مالی فراڈ کا الزام ، سعودی عرب میں 11 پاکستانیوں کو 7 ، 7 سال قید
سعودی عرب میں مالی فراڈ کے الزام میں 11 پاکستانیوں کو قید کی سزا سنا دی گئی۔
سعودی میڈیا کے مطابق پبلک پراسیکیوشن کا کہنا ہے کہ 11 رکنی گروہ نے دھوکے سے بینک صارفین کے اکاؤنٹس سے رقوم نکالیں۔
پراسیکیوشن کا کہنا ہے کہ گروہ شہریوں کو فون اور میسج کرکے تفصیلات مانگتا تھا اور پھر شہریوں کے اکاؤنٹ سے رقوم نکال لیتے تھے۔ فراڈ کرنے پر 11 پاکستانیوں نے تفتیش کے دوران جرم کا اقرار بھی کیا۔
پراسیکیوشن کے مطابق ہر ملزم کو زیادہ سے زیادہ 7 سال قید کی سزا سنائی ہے، سزا پوری ہونے کے بعد انہیں ملک بدر کیا جائے گا۔