چینی کے بعد گڑ اور شکر کی قیمتوں کو بھی پر لگ گئے
چینی کی ڈبل سنچری کے بعد پنجاب میں چینی کی قیمتوں میں کمی آنا شروع ہوگئی، تاہم گڑ اور شکر کی قیمتوں کو پر لگ گئے۔
تفصیلات کے مطابق گڑ مارکیٹ میں گڑ کی قیمت 2 سو روپے سے بڑھ کر 2سو پچاس روپے فی کلو ہو گئی ہے جبکہ شکر کی قیمت 2 سو روپے سے بڑھ کر 3 سو روپے کلو تک پہنچ چکی ہے۔
ذرائع کے مطابق گڑ مارکیٹ میں گڑ کا تھیلا ہزار روپے اور شکرکا بھی 50 کلو کا تھیلا ہزار روپے مہنگا ہوا ہے، دکانداروں کے مطابق چینی کی قلت کے باعث گڑ شکر کے ریٹس میں اضافہ کیا گیا ہے۔
دوسری جانب چینی کی ڈبل سنچری کے بعد پنجاب میں چینی کی قیمتوں میں کمی آنا شروع ہوگئی، مزید کمی کا امکان ظاہر کر دیا گیا۔
جنوبی پنجاب کی ملوں کا تھوک ریٹ فی کلو 159 روپے تک کم ہوگیا ہے، سینٹرل پنجاب کی ملوں کا فی کلو تھوک ریٹ 162 روپے تک آگیا ہے۔