ریسکیو 1122 کی ماہ مارچ کی کارکردگی رپورٹ جاری، مجموعی طور پر 1234 افراد کو ریسکیو کیا
جہلم: ریسکیو 1122 جہلم نے ماہ مارچ میں 8 منٹ کے اوسط رسپانس ٹائم سے مجموعی طور پر 1234 افراد کو ریسکیو کیا اور ابتدائی طبی امداد فراہم کرنے کے بعد 975 مریضوں کو ہسپتال منتقل کیا۔
ماہ مارچ میں 7063 کالز موصول ہوئیں جن میں 1222 ایمرجنسی کالز پر بروقت رسپانس کیا گیا۔ جن ایمرجنسی کالز پر رسپانس کیا ان میں روڈ ٹریفک ایکسڈینٹ کی تعداد 293 تھی، میڈیکل ایمرجنسیز کی تعداد 741 تھی، آگ لگنے کا واقعات 15 ہوئے، کرائم 20، ڈوبنے کے واقعات 1 اور متفرق ایمرجنسیز کی تعداد 152 رہی۔
ریسکیو 1122 نے ماہ مارچ میں بھی بہتر رسپانس ٹائم کی روایت کو برقرار رکھا ایمبولینس کا اوسط رسپانس ٹائم 8 منٹ رہا اور فائر ایمرجنسیز کا اوسط رسپانس ٹائم 8 اعشاریہ 4 منٹ رہا۔ علاوہ ازیں پیشنٹ ٹرانسفر سروس کے تحت مریضوں کو بہتر طبی سہولیات فراہم کرنے کے لئے ضلع جہلم سے کل 227 مریضوں کو راولپنڈی، اسلام آباد، سرگودھا کے ہسپتالوں میں منتقل کیا گیا۔
اس کے علاوہ ڈائریکٹر جنرل پنجاب ایمرجنسی سروس ڈیپارٹمنٹ کی ہدایات کے مطابق کمیونٹی سیفٹی ونگ ریسکیو 1122 جہلم کی جانب سے اونچی عمارتوں کا فائر سیفٹی سروے بھی کیا گیا اور محفوظ معاشرے کے قیام کے لئے مختلف اداروں میں فرسٹ ایڈ اور فائر سیفٹی کی تربیت بھی دی گئی۔ ڈسٹرکٹ ایمرجنسی آفیسر نے پورے ماہ میں ریسکیورز کی کارکردگی کو حوصلہ افزاء قرار دیا۔