جہلم پولیس نے 3 موٹرسائیکل چوروں کو دھر لیا، مسروقہ موٹرسائیکلیں برآمد

جہلم: ایس ایچ او کالا گجراں احسان عباس، ایس ایچ او چوٹالہ ملک نثار احمد اور ٹیموں کی اہم کارروائیاں، موٹر سائیکل چوری کے مقدمات میں ملوث ملزمان گرفتار، مسروقہ موٹر سائیکلز برآمد کر لئے گئے۔

تفصیلات کے مطابق ایس ایچ او کالا گجراں اور ٹیم نے 2 موٹر سائیکل چور ملزمان شہباز اور نوید کو گرفتار کر لیا، ملزمان کے قبضہ سے 3 مسروقہ موٹر سائیکلز برآمدکر لی گئیں۔

ایس ایچ او چوٹالہ اور ٹیم نے موٹر سائیکل چور ملزم فرحان کو گرفتار کر لیا، ملزم کے قبضہ سے مسروقہ موٹر سائیکل برآمد کر لی، ملزمان سے بر ریمانڈ جسمانی مزید انکشافات متوقع ہیں۔

ڈی پی او جہلم ناصر محمود باجوہ نے کہا کہ شہریوں کے قیمتی اثاثوں کی حفاظت کو ہر صورت یقینی بنایا جائے گا۔