جہلم پولیس کا شراب سپلائرز کے خلاف ایکشن، 4 ملزمان شراب سمیت گرفتار
جہلم: ڈی پی او جہلم ناصر محمود باجوہ کے احکامات پر جہلم پولیس کا شراب سپلائرز کے خلاف کریک ڈاؤن جاری، چار ملزمان گرفتار، مجموعی طور پر 80 لیٹر شراب برآمد کر لی گئی۔
تفصیلات کے مطابق چوٹالہ پولیس نے کارروائی کرتے ہوئے 2 ملزمان فخر اور فیضان کو گرفتار کر لیا، ملزمان سے 40 لیٹر شراب برآمد کر کے مقدمہ درج کر لیا۔
جلالپور شریف پولیس نے کارروائی کرتے ہوئے 2 ملزمان اسد اور معظم کو گرفتار کر لیا، ملزم اسد سے 20 لیٹر شراب اور ملزم معظم سے 20 لیٹر شراب برآمد کر کے مقدمات درج کر لئے۔
ڈی پی او جہلم ناصر محمود باجوہ کا کہنا تھا کہ شراب سپلائرز کے خلاف گھیرا تنگ کیا جائے گا۔