تحصیل پریس کلب پنڈدادنخان کی تقریب حلف برداری، نومنتخب عہدیداران نے حلف اٹھا لیا

پنڈدادنخان: تحصیل پریس کلب رجسٹرڈ پنڈدادنخان کی اکثریت رائے سے حلف برداری کی تقریب کا انعقاد پی ایم ڈی سی کے خوبصورت لان گیسٹ ہاؤس کھیوڑہ میں کیا گیا۔

تقریب کا باقاعدہ آغاز قاری محمد رفیق نے تلاوت قرآن پاک سے کیا جبکہ معروف نعت خوان مدثر آفریدی نے نعت رسول مقبول ﷺ پیش کی، ملک باصر کھوکھر نے پریس کلب کے اغراض و مقاصد بیان کئے۔

ہرنپور کے سینئر صحافی راجہ ندیم جنجوعہ نے صدر چوہدری اختر آرائیں، جنرل سیکرٹری یونس شہباز اور پوری نو منتخب کابینہ پر اعتماد کے لیے قرارداد پیش کی جس پر تحصیل بھر سے آئے پنڈال میں موجود 30 اراکین نے ہاتھ اٹھا کر اعتماد کا اظہار کیا۔

معروف عالمِ دین قاری محمد یوسف نے نو منتخب کابینہ سرپرست اعلیٰ ملک آصف کھوکھر، چیف آرگنائزر یوسف ناز، چیئرمین باصر کھوکھر، صدر چوہدری اختر آرائیں، جنرل سیکرٹری یونس شہباز، وائس چیئرمین راجہ ندیم جنجوعہ، نائب صدور صفر علی خان، ملک شجاع حیدر لنگاہ، چیئر مین ایکشن کمیٹی سید اسد بخاری، وائس چیئرمین ایکشن کمیٹی عبداللہ عاصم سے حلف لیا۔

ایڈیشنل جنرل سیکرٹری چوہدری اعجاز محمود، ڈپٹی جنرل سیکرٹری شاہد بٹ، اسسٹنٹ جنرل سیکرٹری خواجہ شفقت، جوائنٹ سیکرٹری عدنان کھوکھر، انفارمیشن سیکرٹری چوہدری رفیق، فنانس سیکرٹری میاں اطہر عمران، مجلس شوریٰ چیئرمین نور حسین چغتائی، وائس چیئرمین مجلس شوریٰ اشفاق ملک، ممبران ایکشن کمیٹی قیصر مغل، ملک محمد رمضان، راجہ ندیم جنجوعہ (اعزازی)، چوہدری رفیق، چوہدری اعجاز محمود (اعزازی) سے حلف لیا گیا۔

تقریب سے ملک محمد آ صف کھوکھر، یوسف ناز، چوہدری اختر آرائیں، ملک باصر کھوکھر، سید اسد بخاری یونس شہباز نے اپنے خیالات کا اظہار کرتے ہوئے تمام شرکاء کا شکریہ ادا کیا۔