جہلم: کم عمر موٹر سائیکل سوار اور غیر تربیت یافتہ چنگ چی رکشہ ڈرائیور حادثات کا باعث بننے لگے

جہلم: ٹریفک پولیس کے عملے کی غفلت، شہر کے چوک چوراہوں میں ٹریفک سگنل کا نہ ہونا، کم عمر موٹر سائیکل سوار، تیز رفتاری اور غیر تربیت یافتہ چنگ چی رکشہ ڈرائیور حادثات کا باعث بننے لگے۔ ٹریفک پولیس ہیلمٹ کے استعمال پر عملدرآمد کروانے میں بھی بری طرح نا کام شرح حادثات اور اموات میں غیر معمولی اضافہ لمہ فکر یہ ہے۔

تفصیلات کے مطابق شہری و سماجی حلقوں نے میڈیا کے نمائندگان کی وساطت سے آئی جی پنجاب، ڈی آئی جی ٹریفک پولیس سے مطالبہ کیا ہے کہ شہر کے اہم چوک چوراہوں میں ٹریفک سگنل کا نہ ہونا، کم عمر موٹر سائیکل سوار، تیز رفتاری اور غیر تربیت یافتہ چنگ چی رکشہ ڈرائیور حادثات کا باعث بننے لگے ہیں۔

ٹریفک پولیس کے افسران ہیلمٹ کے استعمال پر بھی عملدرآمد کو یقینی بنانے میں بری طرح نا کام ہو چکے ہیں، ٹریفک پولیس کی غفلت سے شرح حادثات اور اموات میں غیر معمولی اضافہ دیکھا جارہا ہے جو کہ ٹریفک پولیس کی کارکردگی پر سوالیہ نشان ہے۔

شہریوں نے گہری تشویش کا اظہار کرتے ہوئے آئی جی پنجاب اور ڈی آئی جی ٹریفک پولیس سے مطالبہ کیا ہے کہ بغیر ہیلمٹ کے ڈرائیونگ اور کم عمر رکشہ و موٹر سائیکل سواروں کے خلاف سخت کارروائیاں کی جائے تاکہ حادثات میں کمی واقع ہو سکے۔