الفلاح فاؤنڈیشن پاکستان کے تحت فری میڈیکل کیمپ کا انعقاد
الفلاح فاؤنڈیشن پاکستان کے تحت فری میڈیکل کیمپ کا انعقاد زیرنگرانی شیخ سلسلہ نقشبندیہ اویسیہ امیر عبدالقدیر اعوان 27 اگست بروز اتوار گورنمنٹ مڈل سکول گرلز سیری سانٹھ انوالی میں کیا گیا۔
میڈیکل کیمپ میں مریضوں کا فری چیک اپ کیا گیا، ماہر ڈاکٹرز چائلڈ سپیشلسٹ، سکن سپیشلسٹ اورآئی سپیشلسٹ کی ٹیم نے بلا معاوضہ مستحق عوام کی امراض کی تشخیص کے بعد ادویات فراہم کیں، سینکڑوں مرد و خواتین کا علاج کے ساتھ ادویات دی گئیں۔
میڈیکل کیمپ میں بڑی تعداد میں معززین علاقہ سیاسی و سماجی شخصیات نے شرکت کی، بلڈ پریشر کے مریضوں کا فری ٹیسٹ اور دوا دی۔
مریضوں نے الفلاح فاؤنڈیشن پاکستان کا شکریہ ادا کیا اور شیخ سلسلہ نقشبندیہ اویسیہ کو ڈھیروں دعائیں دیں۔
الفلاح فاؤنڈیشن کے ذمہ داران نے کہا کہ ہم مریضوں کے چیک اپ کے لئے اس طرح کے بے شمار فری میڈیکل کیمپ کا انعقاد زیر نگرانی شیخ سلسلہ عالیہ امیر عبدالقدیر اعوان الفلاح فاؤنڈیشن پاکستان کے پلیٹ فام سے کرتے رہیں گے۔