ڈینگی کی افزائش کوروکنے کیلئے تمام متعلقہ محکمہ جات ایمرجنسی طورپر متحرک ہو جائیں۔ ڈپٹی کمشنر جہلم
جہلم: ڈینگی مچھر کی بڑھتی ہوئی افزائش کوروکنے کے لئے تمام متعلقہ محکمہ جات ایمرجنسی طورپر متحرک ہو جائیں اور جہاں جہاں پانی جمع ہونے یا ڈینگی کے لاروا کی پیدائش یا افزائش کا امکان ہے وہاں سخت کارروائی کرتے ہوئے مقدمات درج کروائیں۔
یہ بات ڈپٹی کمشنر جہلم کیپٹن (ر) سمیع اللہ فاروق نے ڈینگی کنٹرول کے حوالے سے منعقدہ اجلاس سے بات کرتے ہوئے کہی۔ انہوں نے کہا کہ شہر میں کسی بھی دوکان، کباڑ شاپ یا مارکیٹوں کی چھتوں پر پانی جمع نہیں ہونا چاہیے، اگر کسی دوکان مارکیٹ،پلازہ کے باہر پانی جمع ہو یا چھتوں کے اوپر پانی پایا جائے جس سے ڈینگی پیدا ہونے کا خدشہ ہو تو مالک کے خلاف سخت قانونی کارروائی عمل میں لائی جائے۔
ڈپٹی کمشنر نے تمام ایسے مقامات جہاں سے ڈینگی لاروا کا خدشہ موجود ہے کو فوری سیل کرنے اور مالکان کے خلاف ایف آئی آر درج کروانے کی ہدایت کر دی۔