جہلم پولیس کا عید الفطر کے موقع پر فول پروف سکیورٹی انتظامات، ٹیمیں تشکیل دے دی گئیں

جہلم پولیس نے عید الفطر کے موقع پر فول پروف سکیورٹی انتظامات کر لئے، مجوعی طور پر پولیس کے 450 سے زائد پولیس جوان و افسران عید کی ڈیوٹیز سر انجام دیں گے۔

عید کے موقع پر ون ویلنگ اور ہوائی فائرنگ کے تدارک کے لیے پولیس کی خصوصی ٹیمیں تشکیل دے دی گئیں ہیں، پولیس افسران و جوان مساجد،امام بارگاہوں، عیدگاہوں، کھلے مقامات، تفریحی مقامات اور عبادت گاہوں پر ڈیوٹیز سر انجام دیں گے۔

شہریوں سے درخواست ہے کہ مشکوک افراد اور سرگرمیوں پر نظر رکھیں، اور کسی ناگہانی صورتحال میں 15 پر پولیس کو فوری اطلاع دیں، ڈیوٹی پر موجود پولس افسران آپکی حفاظت کیلئے موجود ہیں، دوران چیکنگ انکے ساتھ تعاون کریں۔

ڈی پی او جہلم ناصر محمود باجوہ نے کہا کہ عید الفطر کے پر مسرت موقع پر جہلم کے باسیوں کی حفاظت کے لیے فول پروف سکیورٹی انتظامات کیے گئے ہیں، والدین عید کے اس خوشی کے اس موقع پر اپنے بچوں کو ہوائی فائرنگ اور ون ویلنگ سے روکنے کیلئے مثبت کردار ادا کریں۔