جہلم پولیس کا پیشہ ور سماج دشمن عناصر کیخلاف کریک ڈاؤن، 6 ملزمان منشیات اور اسلحہ سمیت گرفتار
جہلم: ڈی پی او جہلم ناصر محمود باجوہ کی ہدایت پر جہلم پولیس کا پیشہ ور سماج دشمن عناصر کے خلاف کریک ڈاؤن جاری،ناجائز اسلحہ رکھنے والے 5 ملزمان سمیت منشیات فروش ملزم گرفتار، پولیس نے ملزمان کے خلاف الگ الگ مقدمات درج کر لئے۔
تفصیلات کے مطابق تھانہ چوٹالہ پولیس نے کارروائی کرتے ہوئے 4 ناجائز اسلحہ رکھنے والے ملزمان حمزہ، گلتاسب، شہروز اور وقاص کو گرفتار کر لیا، ملزمان کے قبضہ سے بندوق 12 بور معہ کارتوس، 3 پسٹلز 30 بور معہ روندز برآمدکر کے ملزمان کے خلاف مقدمات درج کر لیے۔
تھانہ صدر پولیس نے کارروائی کرتے ہوئے ناجائز اسلحہ رکھنے والے ملزم بلاول کو گرفتار کر لیا، ملزم کے قبضہ سے پسٹل 30 بور معہ روندز برآمد کر کے مقدمہ درج کر لیا۔
تھانہ پنڈدادنخان نے کارروائی کرتے ہوئے منشیات فروش ملزم تیمور کو گرفتار کر لیا، ملزم کے قبضہ سے 120 گرام چرس برآمد کر کے مقدمہ درج کر لیا۔
ڈی پی او جہلم ناصر محمود باجوہ نے حکم دیا کہ قانون شکن عناصر کے خلاف کارروائیاں جاری رہیں گی۔