دینہ کے قریب تیز رفتار چنگ چی رکشہ اُلٹ گیا، 2 خواتین سمیت 5 افراد زخمی

دینہ کے قریب تیز رفتار چنگ چی رکشہ ڈرائیور سے بے قابو ہو کر اُلٹ گیا، 2 خواتین سمیت 5 افراد زخمی، ریسکیو 1122 نے طبی امداد کے بعد زخمیوں کو ہسپتال منتقل کیا۔

تفصیلات کے مطابق جمعہ کے روز دینہ کے قریب ٹول پلازہ پنڈوری کے مقام پر مسافروں سے بھرا چنگ چی رکشہ ڈرائیور سے بے قابو ہو کر موڑ کاٹتے ہوئے اُلٹ کر کھائی میں جا گرا جس سے چنگ چی رکشہ میں سوار خواتین سمیت 5 افراد شدید زخمی ہو گئے۔

زخمیوں میں صوبیہ پروین زوجہ قدیر حسین، ناصر عطاء ولد عبداللہ حفیظ، لیاقت علی خان ولد امان علی خان اور رمضان ولد ظفران خان شدید زخمی ہو گئے۔ اطلاع ملتے ہی ریسکیو 1122 موقع پر پہنچ گئی اور زخمیوں کو طبی امداد کے بعد ہسپتال منتقل کیا۔