جہلم پولیس کا منشیات فروشوں کیخلاف کریک ڈاؤن، خاتون منشیات فروش سمیت 2 ملزمان گرفتار
جہلم پولیس کا منشیات فروشوں کے خلاف کریک ڈاؤن جاری، 2 منشیات فروش ملزمان گرفتار، پولیس نے ملزمان کے خلاف مقدمات درج کر لئے۔
تفصیلات کے مطابق کالا گجراں پولیس نے کارروائی کرتے ہوئے ملزمہ شاہدہ پروین کو گرفتار کر لیا، ملزمہ سے 2 کلو 100 گرام ہیروئن برآمد کر کے مقدمہ درج کر لیا۔
دینہ پولیس نے کارروائی کرتے ہوئے ملزم فواد کو گرفتار کر لیا، ملزم سے 20 لیٹر شراب برآمد کر کے مقدمہ درج کر لیا۔
ڈی پی او جہلم ناصر محمود باجوہ نے کہا کہ جرائم پیشہ عناصر کے خلاف بھرپور کریک ڈاؤن جاری ہے۔