سوہاوہ: یوسی لہڑی کے نکاح رجسٹرار نے غریب فیملی سے نکاح فیس کی مد میں ہزاروں روپے بٹور لئے
سوہاوہ: خوشی کے موقع پر غریب عوام کو بلیک میل کرنے والے کے خلاف کاروائی ہونی چاہئے، تحصیل سوہاوہ کی یوسی لہڑی کا نکاح رجسٹرار جس کا نام راجہ اشفاق ہے نکاح کے موقع پر من مرضی کی فیس کا مطالبہ کر دیتا ہے ایسے بندے کے خلاف کاروائی ہونی چاہئے۔
تفصیلات کے مطابق گزشتہ روز کناس گاؤں میں ایک سید فیملی کا نکاح تھا جہاں دوردارز سے مہمان آئے تھے، نکاح کے موقع پر نکاح رجسٹرار راجہ اشفاق نے کہا کہ پہلے 7200روپے دو تو نکاح رجسٹر کروں گا پوچھنے پر کہ یہ تو فیس ہی نہیں تو آپ اتنی فیس کیوں مانگ رہے ہو۔
راجہ اشفاق نے کہا کہ ہم نے اپنے سینئرزکا بھی خیال رکھنا ہوتا ہے جو اندارج کرتے ہیں اس کو بدمعاشی نا لکھوں تو کیا لکھوں اس مہنگائی کے دور میں غریب پہلے ہی مر رہا ہے اور ایسے لوگ جو بندے کی شرافت کا ناجائز فایدہ اٹھائیں اور اپنے سینئر کا نام استعمال کریں ان کے خلاف سخت سے سخت کاروائی ہونی چاہئے اور ایسے بندے سے نکاح رجسٹر لے کر کسی اور کے حوالے کرنا چاہئے جو عزت دار کی عزت کو پامال نا کرئے اس نکاح میں سب سے جو بری بات وہ یہ ہوئی کہ صاحب بہادر راجہ اشفاق غصے میں آ کر وہاں سے چلتے بنے اور کہنے لگے میں دیکھ لوں گا۔ اہل علاقے نے اپیل کی ہے کہ ایسے بندے کو تبدیل کیا جائے۔
یہ سارہ واقعہ جب سیکرٹری یونین کونسل لہڑی کے علم میں آیا تو انہوں نے غصہ کا اظہار کیا اور میڈیا سے بات کرتے ہوئے کہا کہ نکاح رجسٹرار آج ہی سادات فیملی سے ملے گا اور فیس واپس کر کے جو اس نے غلط الفاظ استعمال کیے ہیں معذرت کرئے گا مگر بالکل اس سے الٹ نکاح رجسٹرار راجہ اشفاق تقریباًعید کے دوسرے روز شام کے وقت گیا اور 2000واپس کر کے فیملی کی تذلیل کی۔
ڈپٹی کمشنر جہلم، ڈپٹی ڈائریکٹر لوکل گورنمنٹ جہلم، اے سی سوہاوہ،ڈپٹی ڈائریکٹر اینٹی کرپشن جہلم سے اپیل کی جاتی ہے کہ ایسے کم ظرف انسان کے خلاف سخت سے سخت کاروائی کرنی چاہئے اور اس سے رجسٹر کر کے کسی شریف انسان کو دیا جائے۔