پنجاب ہائی وے پٹرولنگ پوسٹ چک مہیوں کی ماہ اپریل کی کارکردگی رپورٹ جاری
دینہ: ایس ایس پی پنجاب ہائی وے پٹرول محمد بن اشرف کی ہدایت پر اور ڈسٹرکٹ آفیسر پنجاب ہائی وے پٹرول جہلم زراعت بلوچ کی زیر نگرانی انچارج پٹرولنگ پوسٹ چک مہیوں سلطان عارف رضا سب انسپکٹر اور ہمراہ ٹیم نے ماہ اپریل کے دوران شاندار کارکردگی کا مظاہرہ کیا۔
مجرمان اشتہاری اور عدالتی مفرور ان ان کے خلاف کارروائی کرتے ہوئے 6 مجرم اشتہاری کو گرفتار کیا گیا جبکہ 3 عدالتی مفروران کو گرفتار کر کے پابند سلاسل کیا، ریفلیکٹر مہم کے تحت گاڑیوں کو حادثات سے محفوظ رکھنے کے لیے گاڑیوں پر ریفلیکٹر لگائے گئے اور دوران سفر عوام الناس کو پیش آنے والی مشکلات کو حل کرنے کیلیے افراد کی مدد کی گئی۔
رواں ماہ ڈسٹرکٹ آفیسر پٹرولنگ پولیس جہلم زراعت بلوچ نے پوسٹ کا رسمی کیا اور بہترین کارکردگی کا مظاہرہ کرنے پر افسران کی حوصلہ افزائی کی۔
میڈیا سے بات کرتے ہوئے پوسٹ انچارج پنجاب ہائی وے پٹرولنگ پوسٹ چک مہیوں سب انسپکٹر سلطان عارف رضا نے کہا کہ کارگردگی کو مزید بہتر بنایا جائے گا اور دوران سفر عوام الناس کے سفر کو محفوظ بنانا اور ان کے جان و مال کو محفوظ بنانا پٹرولنگ پولیس کی اولین ترجیح ہونی چاہیے۔ نیز جرائم پیشہ افراد کے خلاف زیادہ سے زیادہ کارروائی کر کے ان کو کیفر کردار تک پہنچایا جائے۔