جہلم پولیس کا سماج دشمن عناصر کیخلاف کریک ڈاؤن، 4 ملزمان اسلحہ اور پتنگوں سمیت گرفتار
جہلم: ڈی پی او جہلم ناصر محمود باجوہ کی ہدایت پر جہلم پولیس کا سماج دشمن عناصر کے خلاف کریک ڈاؤن جاری، ناجائز اسلحہ رکھنے والے 2 ملزمان سمیت 2 پتنگ فروش ملزمان گرفتار، پولیس نے ملزمان کے خلاف الگ الگ مقدمات درج کر لئے۔
تفصیلات کے مطابق کالا گجراں پولیس نے ناجائز اسلحہ رکھنے والے ملزم قمر کو گرفتار کر لیا، ملزم سے کلاشنکوف معہ روندز برآمد کر کے مقدمہ درج کر لیا گیا۔
دینہ پولیس نے ناجائز اسلحہ رکھنے والے ملزم نعمان کو گرفتار کر لیا، ملزم سے پسٹل 30 بور معہ روندز برآمد کر کے مقدمہ درج کر لیا گیا۔
منگلا پولیس نے پتنگ فروش ملزم سجاد کو گرفتار کر لیا، ملزم سے 25 پتنگیں معہ 5 ڈوریں برآمد کر کے مقدمہ درج کر لیا گیا۔
سٹی پولیس نے پتنگ فروش ملزم ابراہیم کو گرفتار کر لیا، ملزم سے 3 پتنگیں برآمد کر کے مقدمہ درج کر لیا گیا۔
ڈی پی او جہلم ناصر محمود باجوہ نے کہا کہ قانون شکن عناصر کے خلاف کارروائیاں جاری رہیں گی۔