جہلم پولیس کی ماہ جولائی کی کارکردگی رپورٹ جاری، 5 گینگ گرفتار، 56 لاکھ مالیت کا مال مسروقہ برآمد
جہلم پولیس نے ماہ جولائی کی کارکردگی رپورٹ جاری کر دی، 5 گینگ گرفتار، 56 لاکھ روپے سے زائد مالیت کامال مسروقہ برآمد کر لیا گیا۔
گزشتہ ماہ میں کل 100 مجرمان اشتہاریوں کو گرفتار کیا جن میں سے 9 مجرمان اشتہاری نہایت سنگین مقدمات میں مطلوب تھے جبکہ 53عدالتی مفروران کو گرفتار کیا۔
5 گینگ ٹریس، مجرمان 17 گرفتار، جن سے برآمدگی مالیتی 56 لاکھ 31 ہزار 133 روپے، جن سے اسلحہ 2 عدد پسٹل 30 بور معہ 5 ضرب روندز برآمد کر لئے گئے۔
منشیات کے 48 مقدمات درج جبکہ 49 ملزمان گرفتار، ملزمان کے قبضہ سے چرس 34 کلو 480 گرام، ہیروئن 3 کلو 300 گرام، آئس 720 گرام اور شراب کی 432 بوتلیں برآمد کی گئیں جبکہ 3 شرابی بحالت نشہ گرفتار کر لئے گئے۔
غیر قانونی اسلحہ کے 40 مقدمات درج، 40 ملزمان گرفتار، جن سے پسٹلز 36 عدد، رائفل 3 عدد، کلاشنکوف 1 عدد گن 12 بور 2 عدد، چاقو، حنجر 1 عدد اور 311 روندز برآمد کر لئے گئے۔
قمار بازی کے 3 مقدمات درج، 10 ملزمان گرفتار، جن سے ریکوری قمار بازی کی رقم 1 لاکھ 65 ہزار روپے، 3 عدد موبائل فونز، آلات قمار بازی برآمد جبکہ مکمل چالان کی شرح 49 فیصد رہی۔
محکمانہ احتساب کی پالیسی پر عملدرآمد ہوتے ہوئے پولیس افسران و ملازمین کے 103 شوکاز نوٹس کے متعلق سزا و جزاء کے احکامات جاری کیے۔
ٹریفک قوانین کی خلاف ورزی پر کل 8174 چالان جس پر 17 لاکھ 65 ہزار 500 روپے کا جرمانہ کیا گیا جبکہ پولیس خدمت مراکز جہلم میں شہریوں کو فراہم کی جانے والی سہولیات میں 11004 افراد نے استفادہ کیا،
ڈسٹرکٹ پولیس آفیسر جہلم نے گزشتہ ماہ میں بذریعہ شکایات 339 سائلین کی شکایات کو سنااور ان پر احکامات جاری کیے۔
اس حوالے سے ترجمان جہلم پولیس کا کہنا ہے کہ جہلم پولیس نے ڈسٹرکٹ پولیس آفیسرناصر محمود باجوہ کی کمانڈ میں ضلع جہلم میں امن و امان برقرار رکھنے، اغواء، قتل/ اندھے قتل، چوری، ڈکیتی، رابری جیسے سنگین نوعیت کے مقدمات کی ٹریسنگ، ملزمان کی گرفتاری، منشیات جیسی لعنت کے مکمل خاتمے، جرائم پیشہ عناصر کی بیخ کنی کی جس کے لئے جہلم پولیس دن رات مصروف عمل ہے۔
انہوں نے کہا کہ کمیونٹی پولیسنگ، بروقت انصاف کی فراہمی، لوگوں کے جان و مال کی حفاظت اور سیکورٹی مہیا کرنے کے لیے جہلم پولیس ہمہ وقت تیار ہے اسی طر ح امن و امان کو قائم رکھنے کے لیے جہلم پولیس کی طرف سے ضلع کے داخلی وخارجی پوائنٹس کے علاوہ شہر کے اہم مقامات پر ناکہ بندی بھی کی گئی ہے۔