تحصیل ہیڈ کوارٹر ہسپتال پنڈدادنخان میں ڈائلیسز سینٹر کا قیام، محکمہ صحت کی ٹیم کا ہسپتال کا دورہ
پنڈدادنخان: پنڈدادنخان ویلفیئر سوسائٹی اسلام آباد کے تعاون سے بہت جلد تحصیل ہیڈ کوارٹر ہسپتال پنڈدادنخان میں ڈائلیسز سینٹر کا قائم کیا جا رہا ہے۔ پرائمری اینڈ سیکنڈری ہیلتھ کیئر ڈیپارٹمنٹ کی ٹیم کا THQ ہسپتال کا دورہ،پنڈدادنخان ویلفیئر سوسائٹی اسلام آباد کی تحصیل پنڈدادنخان کے عوام کے لیے خدمات نمایاں ہیں۔ اہل علاقہ
تفصیلات کے مطابق تحصیل ہیڈ کوارٹر ہسپتال پنڈدادنخان ویلفیئر سوسائٹی اسلام آباد کے تعاون اور تحصیل پریس کلب پنڈدادنخان کی معاونت سے تحصیل ہیڈ کوارٹر ہسپتال پنڈدادنخان میں بہت جلد ڈائلیسز سینٹر قائم کیا جا رہا ہے، اس حوالے سے پرائمری اینڈ سیکنڈری ہیلتھ کیئر ڈیپارٹمنٹ کی ٹیم نے THQ ہسپتال پنڈدادنخان کا دورہ کیا۔
اس کیلئے خصوصی تعاون سید منیر حسین بخاری صدر پنڈ دادنخان ویلفیئر سوسائٹی اسلام آباد، راجہ عتیق الرحمن جنجوعہ جنرل سیکرٹری، راجہ محمد ارشد خان سابق چیئرمین ایم ڈی پاکستان ٹیلی ویژن اور پاکستان پوسٹ، ملک غلام مصطفی کندوال ایڈووکیٹ سپریم کورٹ کے خصوصی تعاون سے یہ منصوبہ پایہ تکمیل تک بہت جلد پہنچے گا، اس کاوش میں سیکرٹری ہیلتھ کی بھرپور معاونت، تعاون شامل ہے۔
اہل علاقہ نے پنڈدادنخان ویلفیئر سوسائٹی اسلام آبادکی کاوشوں کو سہراتے ہوئے کہا کہ پنڈدادنخان ویلفیئر سوسائٹی کی تحصیل پنڈدادنخان کے عوام کے لیے خدمات نمایاں ہیں۔