گرمی اور حبس کے باعث جہلم کے شہریوں میں پیٹ کی بیماریوں میں اضافہ ہو گیا

جہلم: گرمی اور حبس کے باعث شہر اور گردونواح کے شہریوں میں پیٹ کی بیماریوں میں اضافہ ہو گیا۔ ہیضہ، قے اور پیٹ درد کی بیماری سے بچے زیادہ متاثر ہونے لگے۔

ضلع جہلم کے سرکاری ہسپتالوں میں روزانہ سینکڑوں کی تعداد میں گیسٹرو میں مبتلا بچے داخل سرکاری و نجی ہسپتالوں میں داخل ہو رہے ہیں جبکہ بڑی عمر کے افراد کی تعداددرجنوں سے زائد بتا ئی جاتی ہے۔

ماہرین صحت کے مطابق بدلتے موسم میں کھانے پینے میں بے احتیاطی سے پیٹ کی بیماریاں لاحق ہوتی ہیں اس کے علاوہ گندے پانی اور ناقص کھانے بھی گیسٹرو کی بڑی وجہ ہے اس لیے شہریوں کو احتیاطی تدابیر اختیار کرتے ہوئے پانی ابال کر استعمال کرنا ہوگا تاکہ بیماریوں سے بچا جا سکے۔