جہلم پولیس کی ماہ فروری اور مارچ کی کارکردگی رپورٹ جاری، 1 کروڑ روپے کا مال مسروقہ برآمد

جہلم پولیس نے ماہ فروری اور مارچ کارکردگی رپورٹ 2023 کی کارکردگی رپورٹ جاری کر دی، 4 گینگ گرفتار، 1 کروڑ 16 لاکھ 50 ہزار 400 روپے کا مال مسروقہ برآمد کر لیا۔

تفصیلات کے مطابق جہلم پولیس نے ڈسٹرکٹ پولیس آفیسرناصر محمود باجوہ کی کمانڈ میں ضلع جہلم میں امن و امان برقرار رکھنے ، اغواء ،قتل / اندھے قتل،چوری،ڈکیتی،رابری جیسے سنگین نوعیت کے مقدمات کی ٹریسنگ ،ملزمان کی گرفتاری ، منشیات جیسی لعنت کے مکمل خاتمے ، جرائم پیشہ عناصر کی بیخ کنی کی جس کے لئے جہلم پولیس دن رات مصروف عمل ہے ۔

گزشتہ 02ماہ میں کل159مجرمان اشتہاریوں کو گرفتار کیا جن میں سے21مجرمان اشتہاری نہایت سنگین مقدمات میں مطلوب تھے جبکہ137عدالتی مفروران کو گرفتار کیا۔ قتل کے12مقدمات درج،جن میں 09ملزمان گرفتار، جرائم برخلاف مال کے521مقدمات درج181ملزمان کو گرفتار کر لیا، جن سے 1کروڑ16لاکھ50ہزار400 روپے کا مال مسروقہ برآمد کر لیا گیا۔

4گینگ ٹریس ،مجرمان19گرفتار،جن سے برآمدگی مالیتی34لاکھ 1ہزار روپے ،جن سے اسلحہ2عدد پسٹل30بور معہ14ضرب روندز برآمد، جن میں مویشی چور گینگ کے03ملزمان گرفتار،ملزمان سے 6بکریاں برآمد،موٹر سائیکل چور گینگ کے3ملزمان گرفتار، ملزمان سے 4موٹر سائیکل برآمد،کیبل چور گینگ کے 11ملزمان گرفتار ،ملزمان سے کیبل تار مالیتی 11لاکھ روپے برآمد کیا گیا۔

منشیات کے121مقدمات درج جبکہ122 ملزمان گرفتار،ملزمان کے قبضہ سے چرس52کلو204گرام ، ہیروئن17کلو265گرام،آئس725گرام اور شراب کی 619بوتلیںبرآمد کی گئیںجبکہ3 شرابی بحالت نشہ گرفتار، غیر قانونی اسلحہ کے102 مقدمات درج،106ملزمان گرفتار، جن سے پسٹلز69عدد، کلاشنکوف10عدد،رائفل13عدد،گن 12 بور 11 عدد، ریوالور01عدد اور1203روندز برآمد کئے گئے۔

پتنگ بازی کے 122مقدمات درج136ملزمان گرفتار، جن سے13579پتنگیں اور 259ڈوریں برآمد، قمار بازی کے13مقدمات درج، 94ملزمان گرفتار، جن سے ریکوری قمار بازی کی رقم4لاکھ52ہزار335روپے،5عدد کاریں،13عدد موٹر سائیکلز،82عددموبائل فونز،21عدد مرغے اور آلات قمار بازی برآمد، مکمل چالان کی شرح51فیصد رہی۔

محکمانہ احتساب کی پالیسی پر عملدرآمد ہوتے ہوئے پولیس افسران و ملازمین کے310 شوکاز نوٹس کے متعلق سزا و جزا ء کے احکامات جاری کیے، ٹریفک قوانین کی خلاف ورزی پر کل4225چالان جس پر15لاکھ89ہزار250روپے کا جرمانہ کیا گیاجبکہ4عدد لائسنس معطل اور10ایف آئی آر کا اندراج کروایا گیا۔

پولیس خدمت مراکز جہلم میں شہریوں کوفراہم کی جانے والی سہولیات میں10673افراد نے استفادہ کیا، ڈسٹرکٹ پولیس آفیسر جہلم نے گزشتہ ماہ میں بذریعہ کمپلینٹ سیل440سائلین کی شکایات کو سنااور ان پر احکامات جاری کیے۔

اس حوالے سے ترجمان جہلم پولیس کہنا تھا کہ کمیونٹی پولیسنگ ، بروقت انصاف کی فراہمی ، لوگوں کے جان و مال کی حفاظت اور سیکورٹی مہیا کرنے کے لیے جہلم پولیس ہمہ وقت تیار ہے اسی طر ح امن و امان کو قائم رکھنے کے لیے جہلم پولیس کی طرف سے ضلع کے داخلی وخارجی پوائنٹس کے علاوہ شہر کے اہم مقامات پر ناکہ بندی بھی کی گئی ہے ۔