ضلع جہلم میں منشیات فروشوں کے خلاف گھیرا تنگ، مزید 3 منشیات فروش گرفتار
جہلم: ڈی پی او جہلم ناصر محمود باجوہ کے احکامات پر جہلم پولیس کا منشیات فروشوں کے خلاف مسلسل کریک ڈاؤن جاری، تین منشیات فروش ملزمان گرفتار، مجموعی طور پر 3 کلوگرام سے زائد چرس برآمد کر لی گئی۔
تفصیلات کے مطابق چوٹالہ پولیس نے کارروائی کرتے ہوئے ملزم طاہر کو گرفتار کر لیا، ملزم سے 1 کلو 340 گرام چرس برآمد کر کے مقدمہ درج کر لیا گیا۔
منگلا پولیس نے کارروائی کرتے ہوئے ملزم فیصل کو گرفتار کر لیا، ملزم سے 1 کلو 220 گرام چرس برآمد کر کے مقدمہ درج کر لیا گیا۔
ڈی پی او جہلم ناصر محمود باجوہ کے احکامات پر جہلم پولیس کا منشیات فروشوں کے خلاف مسلسل کریک ڈاون جاری ،03منشیات فروش ملزمان گرفتار ،مجموعی طور پر 03کلو 100گرام چرس برآمد ،
چوٹالہ پولیس نے کاروائی کرتے ہوئے ملزم طاہر کو گرفتار کرلیا ،
ملزم سے 01کلو 340گرام چرس برآمد کر لی گئی ، pic.twitter.com/nBRkSvIIt5
— JHELUM POLICE (@police_jhelum) August 31, 2023
للِہ پولیس نے کارروائی کرتے ہوئے ملزم شہریار کو گرفتار کر لیا، ملزم سے 540 گرام چرس برآمد کر کے مقدمہ درج کر لیا گیا۔
ڈی پی او جہلم ناصر محمود باجوہ کا کہنا تھا کہ منشیات فروش معاشرے کا ناسور ہیں جن کے خلاف کریک ڈاؤن جاری رہے گا۔