مہربانی شاپ کا مقصد معاشرے میں مہربانی کے تصور کو عام کرنا ہے۔ ڈپٹی کمشنر جہلم سمیع اللہ فاروق

جہلم: ڈپٹی کمشنر کیپٹن (ر) سمیع اللہ فاروق نے پی ایم اے ہاؤس میں ”مہربانی شاپ” کا افتتاح کر دیا۔

اس موقع پر ڈپٹی کمشنر جہلم سمیع اللہ فاروق نے کہا کہ مہربانی شاپ کا مقصد معاشرے میں مہربانی کے تصور کو عام کرنا اور ضرورت مندوں کی ضرورت بنا مانگے پوری کرنا ہے، شاپ میں شہری عطیہ کردہ کپڑے اور جوتے چھوڑ جاتے ہیں اور ضرورت مند اپنی ضرورت اور پسند کے مطابق وہاں سے چیزیں لے جاتے ہیں۔

ڈپٹی کمشنر نے کہا کہ مہربانی شاپ قائم کرنے کا بنیادی مقصد یہ ہے کہ صاحب ثروت لوگ اپنی ضرورت سے زائد اشیا یہاں پر لاکر رکھیں جہاں سے غریب اور ضرورت مند افراد اپنی ضرورت اور پسند کی اشیا حاصل کرسکیں۔

انہوں نے کہا مہربانی شاپ کی اہم اور خاص بات یہ ہے کہ اس میں نہ ہی دینے والے کو پتا ہو گا کہ وہ کسے دے رہا ہے اور نہ ہی لینے والے کو پتا چلے گا کہ اس کو کس نے دیا ہے، جس سے بہتر اندار میں مستحق افراد کی مدد کی جا سکے گی۔ مہربانی شاپ میں قابل استعمال کپڑے، جوتے، بچوں کے کھلونے، جیولری، نیز کھانے پینے کی تمام اشیاء بھی جمع کروائی جا سکتی ہیں۔