جہلم میں اسلحہ کے زور پر دوکاندار کو بدفعلی کا نشانہ بنانے والے 4 ملزمان گرفتار

جہلم: ایس ایچ او چوٹالہ ملک نثار احمد اورچوکی انچارج مصری موڑ اللہ دتہ معہ ٹیم نے اہم کارروائی کرتے ہوئے دوکاندار کے ساتھ اسلحہ کے زور پر جنسی زیادتی کرنے والے 4 ملزمان گرفتار کر لیے۔

گرفتار ملزمان کی شناخت یاسر، پرویز، جاوید اور قیصرکے ناموں سے ہوئی ہے۔ مدعی مقدمہ کا کہنا تھا کہ میں نے دوکان بنا رکھی ہے، ملزمان نے میرا ادھار واپس کرنا ہے، ادھار واپسی کے تقاضے پر ملزمان نے مجھے جنسی زیادتی کا نشانہ بنایا۔

ملزمان سے واقعہ میں استعمال ہونے والا ناجائزاسلحہ رائفل 12 بور بھی برآمد کر لی گئی ہے، ملزمان کو ٹھوس شواہد کے ساتھ چالان عدالت کیا جائے گا۔

ڈی پی او جہلم ناصر محمود باجوہ کا کہنا تھا کہ جنسی زیادتی جیسے واقعات پر زیرو ٹالرنس پالیسی پر عمل پیرا ہیں۔ ڈی پی او جہلم ناصر محمود باجوہ نے چوٹالہ پولیس کو شاباش اور تعریفی سرٹیفکیٹ جاری کرنے کا اعلان کیا۔