ڈی پی او آفس میں کھلی کچہری کا انعقاد، ڈی پی او جہلم نے شہریوں کے مسائل سنے
جہلم: ڈی پی او جہلم ناصر محمود باجوہ کی آئی جی پنجاب پولیس ڈاکٹر عثمان انور کے ویژن کے مطابق اوپن ڈور پالیسی کے تحت ڈی پی او آفس میں کھلی کچہری کا انعقاد کیا گیا۔
ڈی پی او جہلم نے سائلین کو فرداً فرداً خود سنا اور موقع پر احکامات جاری کیے،انچارج شکایات سیل کو متعلقہ پولیس افسران کو فون کر کے فوری کارروائی عمل میں لانے کا حکم دیا۔
ڈی پی او جہلم ناصر محمود باجوہ نے حکم دیا کہ جس پولیس افسر کو درخواست مارک کی گئی ہے وہ خود انکوائری کر کے مقررہ ٹائم فریم میں رپورٹ پیش کرے گا، کھلی کچہری کے ذریعے پبلک فیڈ بیک حاصل کر کے پالیسنگ کو مزید بہتر بنایا جائے۔