جہلم پولیس کا منشیات فروشوں اور ناجائز اسلحہ رکھنے والوں کیخلاف ایکشن، 3 ملزمان گرفتار
جہلم پولیس کا منشیات فروشوں اور ناجائز اسلحہ رکھنے والوں کے خلاف کریک ڈاؤن جاری،2 منشیات فروش اور ناجائز اسلحہ رکھنے والا ملزم گرفتار، پولیس نے مقدمات درج کر لئے۔
تفصیلات کے مطابق منگلا پولیس نے کارروائی کرتے ہوئے منشیات فروش ملزم حسنین کو گرفتار کر لیا، ملزم کے قبضہ سے 2300 گرام چرس برآمد کر کے مقدمہ درج کر لیا۔
تھانہ پنڈدادنخان پولیس نے کارروائی کرتے ہوئے منشیات فروش ملزم واجد کو گرفتار کر لیا،ملزم کے قبضہ سے 2200 گرام چرس برآمد کر لی جبکہ ہوائی فائرنگ کرنے والے ملزم خضر کو گرفتار کرکے ملزم کے قبضہ سے رائفل 12 بور معہ چلید ہ کارتوس برآمد کر کے مقدمات درج کر لئے۔
ڈی پی او جہلم ناصر محمود باجوہ نے کہا کہ قانون شکن عناصر کے خلاف کارروائیاں جاری رہیں گی۔