جلالپور شریف میں بجلی چوروں کے خلاف ایکشن، بجلی چوری میں ملوث ملزم گرفتار
پنڈدادنخان: جلالپور شریف میں پولیس نے بجلی چوروں کے خلاف کارروائی کرتے ہوئے بجلی چوری میں ملوث ملزم کو گرفتار کر لیا۔
تفصیلات کے مطابق ملک بھر کی طرح ضلع جہلم میں میں بجلی چوروں کے خلاف کارروائی شروع کردی گئی ہے۔ ایس ایچ جلالپور شریف ماجد گلزار اور ٹیم نے اہم کارروائی کرتے ہوئے بجلی چوری کے مقدمہ میں ملوث ملزم کو گرفتار کر لیا۔
ملزم کی شناخت مدثر عنایت کے نام سے ہوئی ہے، ملزم مین تار کے ساتھ کنکشن لگا کر بجلی چوری کر رہا تھا۔
ڈی پی او جہلم ناصر محمود باجوہ کا کہنا تھا کہ سرکاری وسائل کا غلط استعمال کرنے والے ملزمان کسی رعایت کے مستحق نہیں۔