جہلم پولیس کا ناجائز اسلحہ رکھنے والوں اور منشیات فروشوں کے خلاف کریک ڈاؤن، 6 ملزمان گرفتار
جہلم پولیس کا ناجائز اسلحہ رکھنے والوں اور منشیات فروشوں کے خلاف کریک ڈاؤن جاری، 3 ناجائز اسلحہ رکھنے والے ملزمان اور 3 منشیات فروش ملزمان گرفتار، پولیس نے ملزمان کے خلاف الگ الگ مقدمات درج کر لئے۔
تفصیلات کے مطابق تھانہ چوٹالہ پولیس نے کارروائی کرتے ہوئے ناجائز اسلحہ رکھنے والے 2 ملزمان قاسم اور صدیق کو گرفتار کر لیا، ملزمان کے قبضہ سے پسٹل 9MM، بندوق 12 بور معہ روندز برآمد کر کے مقدمات درج کر لیے۔
پنڈدادنخان پولیس نے کارروائی کرتے ہوئے ناجائز اسلحہ رکھنے والے ملزم اکبر کو گرفتار کر لیا، ملزم کے قبضہ سے رائفل 44 بور معہ روندز برآمد کر کے مقدمہ درج کر لیا۔
تھانہ سول لائنز پولیس نے کارروائی کرتے ہوئے منشیات فروش ملزم عدنان کو گرفتار کر لیا، ملزم کے قبضہ سے 120گرام ہیروئن برآمد کر کے مقدمہ درج کر لیا۔
تھانہ صدر پولیس نے کارروائی کرتے ہوئے منشیات فروش ملز م ندیم کو گرفتار کر لیا، ملزم کے قبضہ سے 1150گرام چرس برآمد کر کے مقدمہ درج کر لیا۔
تھانہ پنڈدادنخان پولیس نے کارروائی کرتے ہوئے منشیات فروش ملزم ساجد کو گرفتار کر لیا، ملزم کے قبضہ سے 480گرام چرس برآمد کر کے مقدمہ درج کر لیا۔
ایس ڈی پی اوز کا کہنا تھاکہ جرائم پیشہ عناصر کے خلاف کارروائیاں جاری رہیں گی۔