محرم الحرام؛ ڈپٹی کمشنر جہلم اور ڈی پی او جہلم کا دینہ کا دورہ، سکیورٹی انتظامات کا جائزہ لیا
دینہ: ڈپٹی کمشنر جہلم کیپٹن (ر) سمیع اللہ فاروق اور ڈی پی او جہلم ناصر محمود باجوہ نے تھانہ دینہ کے علاقہ قلعہ روہتاس میں جلوس روٹ اور تھانہ سٹی کے علاقہ میدان پاکستان کا دورہ کیا۔
ڈی سی جہلم اور ڈی پی او جہلم نے سکیورٹی و دیگر انتظامات چیک کیے۔ ڈی سی جہلم اور ڈی پی او جہلم نے جلوس کے منتظمین، لائسنس ہولڈرز اور شرکاء سے بھی ملاقات کی، انکے مسائل پوچھے اور حل کیلئے احکامات جاری کیے۔
ڈپٹی کمشنر جہلم کیپٹن ریٹائرڈ سمیع اللہ فاروق اور ڈی پی او جہلم ناصر محمود باجوہ کا تھانہ دینہ کے علاقہ قلعہ روہتاس میں جلوس روٹ اور تھانہ سٹی کے علاقہ میدان پاکستان کا وزٹ،
ڈی سی جہلم اور ڈی پی او جہلم نے سیکورٹی و دیگر انتظامات چیک کیے، pic.twitter.com/fiCN4RhefV
— JHELUM POLICE (@police_jhelum) July 27, 2023
انہوں نے سکیورٹی اور دیگر انتظامات کا بھی جائزہ لیا۔ ڈی ایس پی صدر، ڈی ایس پی سٹی، ایس ایچ او دینہ اور ایس ایچ او سٹی نے ڈی سی جہلم اور ڈی پی او جہلم کو سکیورٹی اور دیگر انتظامات کے بارے میں بریف کیا۔
دونوں افسران کی طرف سے محرم الحرام کے حوالے سے مناسب ہدایات جاری کیں۔
بعد ازاں ڈی پی او جہلم ناصر محمود باجوہ نے دینہ کے علاقہ ہڈالہ سیداں میں محرم الحرام کے حوالے سے جاری جلوس کا دورہ کیا، انہوں نے سکیورٹی اور دیگر انتظامات کا جائزہ لیا۔
ڈی پی او جہلم ناصر محمود باجوہ کا تھانہ دینہ کے علاقہ ہڈالہ سیداں اور تھانہ منگلا کینٹ کے علاقہ اسد آباد میں محرم الحرام کے حوالے سے جاری جلوسوں کا دورہ،
سیکورٹی اور دیگر انتظامات کا جائزہ لیا، pic.twitter.com/4H8GkGPD3q
— JHELUM POLICE (@police_jhelum) July 28, 2023
ایس ایچ او دینہ نے ڈی پی او جہلم کو سکیورٹی و دیگر انتظامات کے بارے میں بریف کیا، ڈی پی او جہلم نے منتظمین اور شرکاء سے بھی ملاقات کی۔
اس موقع پر ڈی پی او جہلم ناصر محمود باجوہ نے حکم دیا کہ شرکاء کو چیکنگ کے بغیر داخلے کی اجازت نہ دی جائے، پولیس افسران و جوان محرم الحرام کے دوران الرٹ ڈیوٹیز سر انجام دیں۔ جہلم پولیس محرم الحرام کے دوران شہریوں کی حفاظت کو یقینی بنائے گی۔