جہلم میں جعلی ویٹرنری ڈاکٹر اور ناجائز اسلحہ رکھنے والا ملزم گرفتار
جہلم: ایس ایچ او چوٹالہ اور ٹیم نے اہم کارروائی کرتے ہوئے جعلی ویٹرنری ڈاکٹر سمیت ناجائز اسلحہ رکھنے والا ملزم گرفتار کر لیا۔
تفصیلات کے مطابق چوٹالہ پولیس نے اطلاع پر فوری کارروائی کرتے ہوئے جعلی ویٹرنری ڈاکٹر محمد عثمان کو متعلقہ سامان و آلات سمیت گرفتار کر لیا، ملزم سے متعلقہ سامان و آلات برآمد کر لئے گئے۔
دوسری کارروائی میں ناجائز اسلحہ رکھنے والے ملزم علیم شاہ کو گرفتار کر لیا گیا، ملزم سے ناجائز اسلحہ پسٹل 30 بور معہ راؤنڈز برآمد کر لیے گئے۔
تھانہ چوٹالہ پولیس نے دونوں ملزمان کے خلاف الگ الگ مقدمات درج کر لئے ہیں۔
ڈی پی او جہلم ناصر محمود باجوہ کا کہنا تھا کہ جرائم پیشہ عناصر کیخلاف کریک ڈاؤن جاری رہے گا۔