دینہ کے علاقہ سید حسین میں الفلاح فاؤنڈیشن پاکستان کے تحت فری میڈیکل کیمپ کا انعقاد
دینہ: الفلاح فاؤنڈیشن پاکستان کے تحت فری میڈیکل کیمپ زیرنگرانی شیخ سلسلہ نقشبندیہ اویسیہ امیر عبدالقدیر اعوان دینہ کے علاقہ سید حسین میں منعقد ہوا۔
میڈیکل کیمپ میں مریضوں کا فری چیک اپ کیا گیا۔ ماہر ڈاکٹرز، چائلڈ سپیشلسٹ، میڈیکل سپیشلسٹ، ماہر امراض نفسیات اور فزیو تھراپسٹ کی ٹیم نے بلا معاوضہ مستحق عوام کی امراض کی تشخیص کے بعد ادویات فراہم کیں، سینکڑوں مرد و خواتین کا علاج کے ساتھ ادویات دی گئیں اور بلڈ پریشر کے مریضوں کا فری ٹیسٹ اور دوا دی گئی۔
میڈیکل کیمپ میں بڑی تعداد میں معززین علاقہ سیاسی و سماجی شخصیات نے شرکت کی جبکہ کیمپ میں خصوصی شرکت نمبردار سید فیاض حسین شاہ اور سابقہ کونسلر سید اقبال شاہ کی۔
مریضوں نے الفلاح فاؤنڈیشن پاکستان کا شکریہ ادا کیا اور شیخ سلسلہ نقشبندیہ اویسیہ کو ڈھیروں دعائیں دیں۔
الفلاح فاؤنڈیشن کے ذمہ داران نے کہا کہ ہم مریضوں کے چیک اپ کے لے اس طرح کے بے شمار فری میڈیکل کیمپ کا انعقاد زیر نگرانی شیخ سلسلہ عالیہ امیر عبدالقدیر اعوان الفلاح فاؤنڈیشن پاکستان کے پلیٹ فام سے کرتے رہیں گے۔