حکمرانوں نے غریب عوام کا خون پسینہ چوسنے کا تہیہ کر رکھا ہے۔ ڈاکٹر قاسم محمود چوہدری

دینہ میں بجلی کے ظالمانہ فیصلے کے خلاف جماعت اسلامی کے زیر اہتمام پر امن احتجاجی ریلی نکالی گئی، ریلی منگلا روڈ سے شروع ہوتے ہوئے مین چوک پر اختتام پذیر ہوئی۔

ضلعی امیر ڈاکٹر قاسم محمود چوہدری نے ریلی سے خطاب کرتے ہوئے کہا کہ ملک پر جب بھی آفت آئی سیلاب ہو یا کورونا یا زلزلہ ہو دینہ کے شہریوں نے بڑھ چڑھ کر حصہ لیا مگر ان حکمرانوں نے غریب عوام کا خون پسینہ چوسنے کا تہیہ کر رکھا ہے، عوام اپنے حقوق کے لیے اٹھ کھڑی ہوئی ہے جب تک ظالمانہ فیصلہ واپس نہیں لیا جاتا قوم بیٹھنے والی نہیں ہے۔

ڈاکٹر قاسم محمود چوہدری نے کہا کہ جن کو ہم ووٹ دے کر اسمبلی میں بھیجتے ہیں وہ ہمارے حقوق کی بات بھی نہیں کرتے جب عوام کی بات آتی ہے تو پٹرول، بجلی،گیس مہنگی کرنے ہوتے ہیں تو یہ سارے ایک ہو جاتے ہیں، آج لوگ ہزاروں روپے کے بل ہاتھوں میں لیے پھر رہے ہیں کہ کیسے جمع کروائے جائیں خدارائے عوام پر رحم کیا جائے۔

ریلی سے حبیب رضاء بٹ، چوہدری کامران ارشد ایڈووکیٹ، سیٹھی فاروق، مظاہر الاسلام سمیت دیگر نے بھی خطاب کیا اور آخر میں ملکی سلامتی کے لیے خصوصی دعا کی۔