کتنے یونٹ بجلی استعمال کرنے پر کتنا بل آئے گا؟ قیمت میں اضافے کا نوٹیفکیشن جاری

پاور ڈویژن نے بجلی کی قیمت میں اضافے کا نوٹیفکیشن جاری کر دیا، اضافے کا اطلاق جولائی 2023 کے مہینے سے ہوگا۔

نیپرا کی اجازت کے بعد وفاقی حکومت نے بجلی کی قیمت میں 3 روپے سے ساڑھے 7 روپے فی یونٹ تک اضافے کا نوٹیفکیشن جاری کیا،بجلی کے بنیادی ٹیرف میں 7 اعشاریہ 50 روپے تک فی یونٹ اضافہ کیا گیا ہے،بجلی کا فی یونٹ بنیادی ٹیرف 42 روپے72 پیسے تک پہنچ گیا، سیلز ٹیکس کے بعد فی یونٹ بنیادی ٹیرف 50 روپے41 پیسے تک ہوگیا۔

نوٹیفکیشن کے مطابق ماہانہ 100 یونٹ تک ٹیرف میں 3روپے اضافہ کیا گیا ہے، جس کے بعد 100 یونٹ تک بجلی استعمال کرنیوالوں کو 16 اعشاریہ 48 روپے فی یونٹ بجلی ملے گی، ماہانہ 101 سے 200 یونٹ تک کا ٹیرف 4 روپے اضافے سے 22 اعشاریہ 95 روپے فی یونٹ ہوگیا۔

ماہانہ 300 یونٹ تک کا ٹیرف 5 روپے اضافے سے 27 اعشاریہ 14 روپے، 400 یونٹ کا ٹیرف 6 اعشاریہ 50 روپے اضافے سے 32 اعشاریہ 03 روپے فی یونٹ اور ماہانہ 500 یونٹ کا ٹیرف 7 اعشاریہ 50 روپے اضافے سے 35 اعشاریہ 24 روپے ہوگیا۔

نوٹیفکیشن میں بتایا گیا کہ ماہانہ 600 یونٹ کا ٹیرف 7 اعشاریہ 50 روپے اضافے سے 36 اعشاریہ 66 روپے اور ماہانہ 700 یونٹ سے زیادہ کا ٹیرف 7 اعشاریہ 50 روپے اضافے سے 42 اعشاریہ 72 روپے فی یونٹ مقرر کیا گیا ہے، سیلز ٹیکس کے بعد زیادہ سے زیادہ فی یونٹ ٹیرف 50 اعشاریہ 41 روپے ہوگا۔

لائف لائن صارفین کیلئے بجلی کے پرانے نرخ برقرار رہیں گے جبکہ اطلاق بجلی کی تمام تقسیم کار کمپنیوں سمیت کے الیکٹرک صارفین پر بھی ہوگا۔

ماہانہ50یونٹ تک لائف لائن صارفین کیلئے فی یونٹ3 اعشاریہ 95 روپے برقرار ہے،ماہانہ51سے100 یونٹ تک لائف لائن صارفین کیلئے فی یونٹ7 اعشاریہ 74 روپے برقرارہے۔

ایک سے100 یونٹ تک پروٹیکڈ صارفین کیلئے فی یونٹ7 اعشاریہ 74 روپے برقرار جبکہ ماہانہ101سے200 یونٹ تک پروٹیکڈ صارفین کیلئے فی یونٹ10 اعشاریہ 06روپے برقرار ہے۔

ٹائم آف یوز تھری فیز پیک آورز میں فی یونٹ بجلی کی نئی قیمت 41 روپے 89 پیسے مقرر کی گئی ہے،ٹائم آف یوز تھری فیز آف پیک آورز میں فی یونٹ بجلی کی نئی قیمت 35 روپے 57 پیسے فی یونٹ مقرر کی گئی۔

کمرشل، انڈسٹریز اور زرعی استعمال سمیت دیگر شعبوں کیلئے فی یونٹ بجلی ساڑھے 7 روپے مہنگی ہوئی۔