میٹرک کے ملتوی ہونے والے امتحانی پرچوں کی نئی تاریخوں کا اعلان
جہلم: پنجاب میں میٹرک کے ملتوی ہونے والے امتحانی پرچوں کی نئی تاریخوں کا اعلان کر دیا گیا۔
نئے شیڈول کے مطابق ملتوی شدہ امتحانات کا آغاز 17 مئی سے ہو گا ، 17 مئی کو ترجمہ القرآن اور اخلاقیات کا امتحان ہو گا ، 18 مئی کوکیمسٹری اور جنرل سائنس کا امتحان لیا جائے گا۔ 19 مئی کو اسلامیات اور سیرت الرسول کا پرچہ ہوگا، راولپنڈی بورڈ سمیت پنجاب کے تمام بورڈز پر نئے شیڈول کا اطلاق ہوگا۔
دوسری جانب فیڈرل بورڈ آف انٹر میڈیٹ اینڈ سیکنڈری ایجوکیشن اسلام آباد نے میٹرک کے ملتوی ہونے والے پرچوں کی نئی تاریخوں کا اعلان کر دیا۔ کنٹرولر امتحانات کے مطابق انٹرمیڈیٹ کی بھی نئی تاریخوں کے ساتھ ڈیٹ شیٹ جاری کر دی گئی، نئی تاریخوں کا شیڈول فیڈرل بورڈ کی ویب سائٹ پر اپ لوڈ کر دیا گیا ہے۔