سوہاوہ میں اسلحہ کے زور پر شہری کو دھمکیاں دے کر بدفعلی کا نشانہ بنانے والے 2 ملزمان گرفتار

سوہاوہ: ایس ایچ او سوہاوہ عثمان تصدق اور ٹیم نے اہم کارروائی کرتے ہوئے شہری کے ساتھ اسلحہ کے زور پر دھمکیاں دے کر بدفعلی کرنے اور نازیبا ویڈیو بنانے والے 2 ملزمان گرفتار کر کے اسلحہ برآمد کر لیا۔

ملزمان کی شناخت صہیب اور شاہ میر کے ناموں سے ہوئی ہے۔ مدعی مقدمہ کا کہنا تھا کہ ملزمان نے مجھے کھلی جگہ پر لے جا کر اسلحے کے زور پر دھمکیاں دیں، بدفعلی کی اور ویڈیو بھی بنائی۔ ملزمان سے واردات میں استعمال ہونے والا اسلحہ پسٹل 30 بور معہ راؤنڈز برآمد کر لیے گئے ہیں۔

ڈی پی او جہلم ناصر محمود باجوہ کا کہنا تھا کہ زیادتی جیسے واقعات پر زیرو ٹالرنس پالیسی پر عمل پیرا ہیں۔