جہلم پولیس کا پیشہ ور جرائم پیشہ عناصر کیخلاف کریک ڈاؤن، 9 ملزمان اسلحہ و منشیات سمیت گرفتار
جہلم: ڈی پی او جہلم ناصر محمود باجوہ کی ہدایت پر جہلم پولیس کا پیشہ ور جرائم پیشہ عناصر کے خلاف کریک ڈاؤن، 9 ملزمان اسلحہ و منشیات سمیت گرفتار، پولیس نے ملزمان کے خلاف الگ الگ مقدمات درج کر لئے۔
تفصیلات کے مطابق تھانہ جلالپور شریف پولیس نے کارروائی کرتے ہوئے 4 منشیات فروش ملزمان اسد، خاور، ندیم اور عمران کو گرفتار کر لیا، ملزمان کے قبضہ سے 80 لیٹر شراب برآمدکرکے الگ الگ مقدمات درج کرلیے جبکہ ناجائز اسلحہ رکھنے والے ملزم قمر سے پسٹل 30 بور معہ روندز برآمد کر کے مقدمہ درج کر لیا۔
تھانہ پنڈدادنخان پولیس نے کارروائی کرتے ہوئے 2 منشیات فروش ملزمان تصور اور ناصر کو گرفتار کر لیا،ملزمان کے قبضہ سے 20 لیٹر شراب برآمد ہوئی جبکہ ناجائز اسلحہ رکھنے والے ملزم اسلم کو گرفتار کیا، ملزم کے قبضہ سے بندوق 12 بور معہ روندز برآمد کر کے ملزمان کے خلاف الگ الگ مقدمات درج کر لیے۔
تھانہ منگلا پولیس نے کارروائی کرتے ہوئے منشیات فروش ملزم ذاکر کو گرفتار کر لیا، ملزم کے قبضہ سے 520 گرام ہیروئن برآمدکر کے مقدمہ درج کر لیا۔
تھانہ سٹی پولیس نے کارروائی کرتے ہوئے پتنگ فروش ملزم عدن کو گرفتار کر لیا، ملزم کے قبضہ سے 8 پتنگیں برآمد کرکے مقدمہ درج کر لیا۔
ڈی پی او جہلم ناصر محمود باجوہ نے کہا کہ قانون شکن عناصر کے خلاف کارروائیاں جاری رہیں گی۔