جہلم پولیس کا منشیات فروشوں کیخلاف کریک ڈاؤن، 3 ملزمان چرس اور ہیروئن سمیت گرفتار
جہلم پولیس کا منشیات فروشوں کے خلاف کریک ڈاؤن جاری، تین منشیات فروش ملزمان گرفتار چرس اور ہیروئن سمیت گرفتار کر لئے گئے۔
تفصیلات کے مطابق جلالپور شریف پولیس نے کارروائی کرتے ہوئے ملزم محسن رضا کو گرفتار کر لیا، ملزم سے 1 کلو 360 گرام چرس برآمد کر کے مقدمہ درج کر لیا۔
سٹی پولیس نے کارروائی کرتے ہوئے ملزم صداقت کو گرفتار کر لیا، ملزم سے 5 کلو 500 گرام چرس برآمد کر کے مقدمہ درج کر لیا۔
کالا گجراں پولیس نے کارروائی کرتے ہوئے ملزم یوسف مسیح کو گرفتار کر لیا، ملزم سے 520 گرام ہیروئن برآمد کر کے مقدمہ درج کر لیا۔
ڈی پی او جہلم ناصر محمود باجوہ کا کہنا تھا کہ منشیات فروش معاشرے کا ناسور ہیں جن کے خلاف بھرپور آپریشن جاری ہے۔