اشیاء کی غیر قانونی نقل و حمل اور سمگلنگ روکنے کیلئے منگلا پل پر چیک پوسٹ قائم

ایف بی آر نے اشیاء کی غیر قانونی نقل و حمل اور سمگلنگ روکنگ کیلئے منگلا پل اور کوہالہ پر چیک پوسٹیں قائم کردی گئیں۔

ایف بی آر کے مطابق میرپور کو پنجاب سے ملانے والی منگلا روڈ دینہ پر نکودار چیک پوسٹ قائم کر دی گئی ہے، نکودار چیک پوسٹ کا دائرہ اختیار منگلا روڈ، دینہ بائی پاس، جی ٹی روڈ جہلم اور کلر سیداں کی طرف دھان گلی تک ہوگا، نکودار چیک پوسٹ کو ایک موبائل ٹیم کی بھی خدمات حاصل ہوں گی۔

ایف بی آر کے نوٹیفکیشن کے مطابق مظفرآباد کے راستے کوہالہ پل پر قائم ہونے والی چیک پوسٹوں کو دو موبائل ٹیموں کی سہولت ہوگی، کوہالہ پل چیک پوسٹ کا دائرہ اختیار مری ایکسپریس وے، جی ٹی روڈ اور بھوربن روڈ سے بارہ کہو تک مقرر کر دیا۔