جہلم میں 2 کم عمر لڑکوں سے اجتماعی بدفعلی، 2 درندہ صفت ملزمان گرفتار

جہلم میں 2 کم عمر لڑکوں سے اجتماعی بدفعلی کرنے والے 2 درندہ صفت ملزمان کو پولیس نے گرفتار کر لیا۔

ایس ایچ او چوٹالہ ملک نثار احمد اور ٹیم کی اہم کارروائی کرتے ہوئے 2 کم سن لڑکوں کے ساتھ اجتماعی بدفعلی کرنے والے 2 درندہ صفت ملزمان عنصر محموداور طاروق محمود کو گرفتار کر لیا۔

ملزمان نے کھیتوں اور سروٹوں میں دونوں لڑکوں کو لے جا کر بدفعلی کا نشانہ بنایا، پولیس نے مقدمہ درج کر کے ملزمان اور متاثرہ لڑکوں کا میڈیکل کروا لیا۔

ڈی پی او جہلم ناصر محمود باجوہ کا کہنا تھا کہ زیادتی جیسے واقعات پر زیرو ٹالرنس پالیسی پر عمل پیرا ہیں، ملزمان کو ٹھوس شواہد کے ساتھ چالان عدالت کیا جائے گا۔