ڈپٹی کمشنر کا دینہ کا اچانک دورہ، صفائی ستھرائی کی ناقص صورتحال پر سینٹری انسپکٹر امجد محمود معطل
دینہ: ڈپٹی کمشنر جہلم کیپٹن (ر) سمیع اللہ فاروق کا اچانک دینہ کا دورہ، ہر طرف گندگی کے ڈھیر، شدید برہمی کا اظہار، صفائی ستھرائی کی ناقص صورتحال اور فرائض میں عدم دلچسپی کے باعث سینٹری انسپکٹر تحصیل دینہ امجد محمود کو معطل کر دیا۔
تفصیلات کے مطابق ڈپٹی کمشنر جہلم کیپٹن (ر) سمیع اللہ فاروق نے اچانک دینہ کا دورہ کیا، جی ٹی روڈ پر جگہ جگہ گندگی کے ڈھیر ہونے کے باعث شدید برہمی کا اظہار کیا، اس دوران سینٹری انسپکٹر امجد محمود ڈیوٹی سے غیر حاضر تھا اور صفائی کی صورتحال بھی تسلی بخش نہ تھی۔
ڈپٹی کمشنر جہلم نے صفائی ستھرائی کی ناقص صورتحال اور فرائض میں عدم دلچسپی کے باعث سینٹری انسپکٹر تحصیل دینہ امجد محمود کو معطل کر دیا۔
اس موقع پر ڈپٹی کمشنر جہلم سمیع اللہ فاروق نے کہا کہ اس میں کسی قسم کی کوئی نرمی یا کوتاہی برداشت نہیں کی جائے گی۔
