محکمہ موسمیات نے 15 ستمبر سے ضلع جہلم سمیت ملک بھر میں بارشوں کی پیشگوئی کر دی
محکمہ موسمیات نے 15 ستمبر سے ملک بھر میں بارشوں کی پیشگوئی کر دی۔
15 سے 20 ستمبر کے دوران آندھی اور تیز ہواؤں کیساتھ وقفے وقفے سے بارش کا امکان ظاہر کیا گیا ہے جبکہ خلیج بنگال سے مون سون ہوائیں ملک کے بالائی علاقوں میں داخل ہوچکی ہے۔ آج سے مغربی ہوائیں بھی ملک کے بالائی علاقوںمیں داخل ہونے کا امکان ہے۔
محکمہ موسمیات کے مطابق 15 ستمبر سے 20 ستمبر کے دوران جہلم سمیت کشمیر، گلگت بلتستان، مری، گلیات سمیت پنجاب کے اکثر مقامات، راولپنڈی، اسلام آباد خیبر پختونخوا میں تیز ہواؤں اور گرج چمک کے ساتھ بادل برسنے کا امکان ہے۔
دریائے جہلم میں منگلا کے مقام پر پانی کی آمد 13 ہزار 7 سو کیوسک اور اخراج 46 ہزار کیوسک ہے ۔