جہلم میں مہنگائی کے ساتھ گراں فروشی نے خریداروں کی چیخیں نکلوا دیں
جہلم: مہنگائی کے ساتھ گراں فروشی نے خریداروں کی چیخیں نکلوا دیں۔ پرچون سطح پر کسی بھی اوپن مارکیٹ میں سبزیاں اور پھل سرکاری نرخوں کے مطابق دستیاب نہیں۔
گزشتہ روز بھی سرکاری نرخنامے میں آٹا، دال مسور، سرخ مرچ، چینی، بناسپتی گھی، سفید چنوں کے نرخ جاری نہ کئے گئے اور دکانداروں نے درجہ دوم اور سوئم کی اشیاء اول کے نام پر فروخت کیں، سرکاری نرخنامے میں آلو سٹور کا نرخ 73 روپے مقرر کر رکھا تھا تاہم یہ 90 سے 100 میں فروخت ہوا۔
پیاز درجہ اول 73 کی بجائے 100، پیاز درجہ دوم 65 کی بجائے 80، پیاز درجہ سوم 55 کی بجائے 70 روپے، ٹماٹر درجہ اول 80 کی بجائے 120، ٹماٹر درجہ دوم 70 کی بجائے 90، ٹماٹر درجہ سوم 60 کی بجائے 70 سے 80، لہسن دیسی 270 کی بجائے 320 سے 340، لہسن ہرنائی 415 کی بجائے 540 سے 550، ادرک تھائی لینڈ 920 کی بجائے 1150 سے 1200، ادرک انڈونیشیائی 840 کی بجائے 1000 روپے فروخت ہوئی۔
کھیرا فارمی 105 کی بجائے 120، میتھی 290 کی بجائے 320 سے 330، بینگن 85 کی بجائے 120، بند گوبھی 115 کی بجائے 130 سے 140، پھول گوبھی 125 کی بجائے 150 سے 160، شملہ مرچ 200 کی بجائے 240 سے 250، بھنڈی 105 کی بجائے 140، شلجم 130 کی بجائے 150، اروی 140 کی بجائے 170 سے 180 روپے فروخت ہوئی۔
مٹر 290 کی بجائے 340 سے 350، کریلا 130 کی بجائے 160، سبز مرچ درجہ اول 110 کی بجائے 140 سے 150، سبز مرچ درجہ دوم 53 کی بجائے 80 سے 90، لیموں دیسی 200 کی بجائے 220 سے 230، لیموں چائنہ 140 کی بجائے 170 سے 180، ٹینڈے دیسی 190 کی بجائے 230 سے 240، گھیا کدو 74 کی بجائے 85 سے 90، پالک فارمی 70 کی بجائے 90، گھیا توری 85 کی بجائے 100، گاجر چائنہ 115 کی بجائے130 جبکہ حلوہ کدو 74 کی بجائے 80 سے 85 روپے کلو فروخت ہوا۔
پھلوں میں سیب گاچہ درجہ اول 175 کی بجائے 230 سے 240، سیب گاچہ درجہ دوم 115 کی بجائے 170 سے 180، سیب گاچہ درجہ سوم 95 کی بجائے 120 سے 130، سیب کالا کولو پہاڑی درجہ اول 190 کی بجائے 270 سے 280، سیب کالا کولو پہاڑی درجہ دوم 120 کی بجائے 170 سے 180، سیب کالا کولو پہاڑی درجہ سوم 105 کی بجائے 140 سے 150 روپے فروخت ہوا۔
کیلا درجہ اول درجن 140 کی بجائے 230 سے 240، کیلا درجہ دوم درجن 90 کی بجائے 150 سے 160، کیلا درجہ سوم درجن 60 کی بجائے 80 سے 90، امرود درجہ اول 125 کی بجائے 150 سے 160، امرود درجہ دوم 70 کی بجائے 80 سے 90 روپے کلو تک فروخت ہوئی۔