آر ایچ سی دینہ کو اپ گریڈ کرنے کی منظوری کیلئے پلان حکومت کو بھجوا دیا گیا ہے۔ ڈپٹی کمشنر جہلم
دینہ: ڈپٹی کمشنر سمیع اللہ فاروق نے کہا کہ رورل ہیلتھ سنٹر دینہ کو اپ گریڈ کرنے کی منظوری کے لیے پلان حکومت کو بھجوا دیا گیا ہے، کمشنر راولپنڈی لیاقت علی چٹھہ کی جانب سے چھوٹے ہسپتالوں کو بڑے ہسپتالوں میں تبدیل کیا جائے گا۔
ڈپٹی کمشنر کیپٹن (ر) سمیع اللہ فاروق نے رورل ہیلتھ سنٹر دینہ کے دورے کے دوران گفتگو کرتے ہوئے ڈپٹی کمشنر جہلم نے کہا کہ رورل ہیلتھ سنٹر دینہ میں مریضوں کابہت رش ہوتا ہے بہتر طبی سہولیات کی فراہمی بارے فوری کام شروع کیا جا رہا ہے، محکمہ صحت کے حکام اس حوالے سے اپنی ورکنگ مکمل کر لیں۔
انہوں نے کہا کہ ضلع بھر کے چھوٹے بڑے ہسپتالوں کو اپ گریڈ کرنے اور بہتر طبی سہولیات کی فراہمی بارے فوری کام شروع کیا جا رہا ہے محکمہ صحت کے حکام اس حوالے سے اپنی ورکنگ مکمل کر لیں۔
محکمہ صحت کے حکام کے ساتھ اجلاس اور آر ایچ سی دینہ کا وزٹ کرتے ہوئے انہوں نے کہا کہ تمام آر ایچ سی، بی ایچ یوز اور سرکاری ڈسپنسریوں کو فعال کرنے کے لیے حکومت پنجاب اور کمشنر راولپنڈی کی جانب سے اقدامات کیے جارہے ہیں چھوٹے ہسپتالوں کو بڑے ہسپتالوں میں تبدیل کیا جائے گا۔
انہوں نے کہا کہ آر ایچ سی دینہ پر مریضوں کا بہت رش ہوتا ہے اس لیے خصوصی کوششوں سے اس کو اپ گریڈ کرنے کی منظور ی کے لیے پلان حکومت کوبھجوا دیا گیا ہے۔