دینہ کے منشیات فروش کو 14 سال قید اور 5 لاکھ روپے جرمانے کی سزا
منگلا پولیس کی موثر تفتیش پر معزز عدالت کا بڑا فیصلہ،ایڈیشنل سیشن جج جہلم شہباز حسین نےمنشیات کے مقدمہ نمبر 14/23 بجرم 9-1-6D/CNS A تھانہ منگلا کا فیصلہ سنا دیا۔
دینہ کے علاقہ افغان آباد کے رہائشی مجرم ذیشان ظہور عرف شانی نےمنشیات فروشی کے جرم کا ارتکاب کیا تھا جس پر معزز عدالت نے مجرم ذیشان ظہور عرف شانی کو 14 سال قید اور 5 لاکھ روپے جرمانہ کی سزا کا فیصلہ سنا دیا۔
مجرم کو جنوری 2023ء میں منشیات فروشی کے جرم میں گرفتار کیا گیا تھا۔ جہلم پولیس نے مجرم کو ٹریس کرکے گرفتار کیا اور ٹھوس شواہد کے ساتھ چالان عدالت کیا اور مقدمہ کی موثر پیروی کی جس کے پیش نظر معزز عدالت نے مجرم کو قرار واقعی سزا سنائی۔
ڈی پی او جہلم ناصر محمود باجوہ کا کہنا ہے کہ منشیات کے مقدمات میں ملوث ملزمان کو سزائیں ملنا قانون اور انصاف کی فتح ہے۔ ڈی پی او جہلم ناصر محمود باجوہ نے انوسٹی گیشن اور لیگل ٹیموں کو شاباش، تعریفی سرٹیفکیٹ اور نقد انعام دینے کا اعلان کیا۔