جہلم میں اغواء ہونے والی خاتون بازیاب، اغواء کار اور موبائل چور گرفتار

جہلم پولیس نے اہم کارروائیاں کرتے ہوئے چوری کے مقدمہ میں ملوث ملزم سمیت شراب سپلائر اور خاتون کو اغواء کرنے والا ملزم گرفتار کر لیا، پولیس نے مغوی خاتون کو بازیاب کرا لیا۔

تفصیلات کے مطابق چوٹالہ پولیس نے اغواء شدہ خاتون کو بازیاب کر لیا، اغواء کار ملزم توصیف کو بھی گرفتار کر لیا گیا۔

ایک اور کارروائی کرتے ہوئے چوٹالہ پولیس نے چوری کے مقدمہ میں ملوث ملزم ندیل کو گرفتار کر لیا،ملزم سے مسروقہ موبائل فون اور سمز برآمد کر لیے گئے۔

سول لائنز پولیس نے کارروائی کرتے ہوئے شراب سپلائرملزم بہادر کو گرفتار کر لیاگیا،ملزم سے 10 لیٹر شراب برآمد کر کے مقدمہ درج کر لیا گیا۔

ڈی پی او جہلم ناصر محمود باجوہ کا کہنا تھا کہ جرائم پیشہ عناصر کے خلاف کریک ڈاؤن جاری رہے گا۔