جہلم پولیس کے 9 ہیڈ کانسٹیبلز کو اسسٹنٹ سب انسپکٹرز کے عہدے پر ترقی دے دی گئی
جہلم پولیس کے 9 ہیڈ کانسٹیبلز کو اسسٹنٹ سب انسپکٹرز کے عہدے پر ترقی دے دی گئی، ڈی پی او جہلم ناصر محمود باجوہ اور ایس پی انویسٹیگیشن ڈاکٹر انعم فریال نے ترقی پانے والے پولیس افسران کو رینک لگائے اور مبارکباد دی۔
تفصیلات کے مطابق جہلم پولیس کے 9 ہیڈ کانسٹیبلز کو اسسٹنٹ سب انسپکٹرز کے عہدے پر ترقی دے دی گئی۔ ڈی پی او آفس جہلم میں پروقار تقریب کا انعقاد کیا گیا، ڈی پی او جہلم ناصر محمود باجوہ اور ایس پی انویسٹی گیشن ڈاکٹر انعم فریال نے ترقی پانے والے پولیس افسران کو رینک لگائے اور مبارکباد دی۔
ترقی پانے والوں میں حامد شاہ ASI، منظور حسین ASI، محمد جاوید ASI، ہارون خالد ASI، عرفان بن یوسف ASI، عبدالرحٰمن ASI، خالد مجید ASI، عاطف شریف ASI اور محمد سلیم ASI شامل ہیں۔
اس موقع پر ڈی پی او جہلم ناصر محمود باجوہ کا کہنا تھا کہ اپنی ذمہ داری کو ایمانداری اورلگن سے سرانجام دیتے ہوئے اپنی بھر پور صلاحیتوں کو شہریوں کی خدمت کے لیے بروئے کارلائیں۔ یہ رینک آپ کے پاس اللہ کی امانت ہے اپنے اختیارات کو مخلوق کی آسانی اور انصاف کی فراہمی کے لیے استعمال کریں، جبکہ ایس پی انویسٹی گیشن ڈاکٹر انعم فریال ترقی یاب ہونے والے افسران کے لیے نیک تمناؤ ں کا اظہار کیا۔