جہلم پولیس کا سماج دشمن عناصر کے خلاف ایکشن، 5 ملزمان گرفتار
جہلم: ڈی پی او جہلم ناصر محمود باجوہ کی ہدایت پر جہلم پولیس کا سماج دشمن عناصر کے خلاف ایکشن، 5 ملزمان گرفتار، پولیس نے ملزمان کے خلاف الگ الگ مقدمات درج کر لئے۔
تفصیلات کے مطابق تھانہ سٹی پولیس نے کارروائی کرتے ہوئے 3 پتنگ فروش ملزمان جمیل، بلال اور دانیال کو گرفتار کر لیا،ملزمان کے قبضہ سے 28 پتنگیں برآمد کر کے الگ الگ مقدمات درج کر لیے۔
تھانہ چوٹالہ پولیس نے کارروائی کرتے ہوئے ناجائز اسلحہ رکھنے والے ملزم خرم کو گرفتار کر لیا، ملزم کے قبضہ سے بندوق 12 بور معہ کارتوس برآمدکر کے ملزم کے خلاف مقدمہ درج کر لیا۔
تھانہ کالا گجراں پولیس نے کارروائی کرتے ہوئے آتش بازی کا سامان فروخت کرنے والے ملزم افضال کو گرفتار کر لیا، ملزم کے قبضہ سے 12 انار، 50 گولے، 250 بمب، 300 ماچس بمب اور 400 شرنائیاں برآمدکر کے ملزم کے خلاف مقدمہ درج کر لیا۔
ڈی پی او جہلم ناصر محمود باجوہ نے کہا کہ سماج دشمن عناصر کے خلاف کارروائیاں جاری رہیں گی، پتنگ فروشی اور پتنگ بازی جیسے خطرناک کھیل کی روک تھام ہم سب کی ذمہ داری ہے، قانون شکن عناصر کو آہنی ہاتھوں نمٹا جائے گا۔