تاجر اور صنعت کار ملکی معیشت میں ریڑھ کی ہڈی رکھتے ہیں۔ محبت خان، ملک اقبال

پنڈدادنخان: یہ ملک قدرت کا شاہکار ھے ہمیں اپنے ملک کی اکنامک کو بہتر سے بہتر بنانے کے لیے ہر شخص کو اپنے اپنے حصے کا کردار ادا کرنا ہوگا۔ آپ کا دیا ہوا ٹیکس ملکی معیشت کو بہتر بنانے میں اہم کردار ادا کرتا ہے۔ انکم ٹیکس واجبات کی بروقت ادائیگی نہ صرف ملک و قوم کیلئے بلکہ ملکی دفاعی منصوبوں کو مضبوط سے مضبوط تر کرنے میں اہم کردار ادا کرتے ہیں۔

ان خیالات کا اظہار اسسٹنٹ کمشنر انکم ٹیکس محبت خان اور انسپکٹر انکم ٹیکس ملک محمد اقبال نے چوہدری زبیر جمیل کی قیادت میں ملنے والے تاجر وفد اور تحصیل پریس کلب پنڈدادنخان صحافیوں سے گفتگو کرتے ہوئے کہی۔ انہوں نے کہا کہ عوام کا دیا ہوا ٹیکس عوامی فلاح و بہبود کے منصوبوں پر ہی خرچ ہوتا ہے۔ تاجر اور صنعتکار ملکی معیشت میں ریڑھ کی ہڈی رکھتے ہیں، عوام کے تعاون سے ہی ریاست مضبوط ہوگی۔

انہوں نے کہا کہ اگر انکم ٹیکس بروقت ادا نہ ہو تو ملک اور صوبے اپنا نظام درست انداز میں نہیں چلا سکتے۔ ہمیں اپنے ذرائع آمدن بڑھانے کی ضرورت ہے، اگر عام آدمی کی آمدن میں اضافہ ہوگا تو انکم ٹیکس کی آمدن میں بھی اضافہ ہوگا۔

انہوں نے کہا کہ انکم ٹیکس ریٹرن جمع کرانے کی آخری تاریخ 30 ستمبر ہے لیکن اس بار فائلرز کی سہولت کیلئے یکم جولائی سے ہی ریٹرن جمع کرنے کا سلسلہ شروع ہو چکا ہے۔ عوام تاجروں صنعتکاروں مائنرز اور دیگر شعبہ زندگی کے افراد کیلئے انکم ٹیکس آفس پنڈدادنخان میں ہر قسم کے ٹیکس کی معلومات کیلئے راجہ فدا حسین اور دیگر عملہ موجود ہے۔