ٹریفک پولیس جہلم کی جانب سے ٹریفک قوانین کی آگاہی کے سلسلہ میں لیکچر کا انعقاد
جہلم: ڈی پی او جہلم ناصر محمود باجوہ کے حکم پر ڈی ایس پی ٹریفک راجہ نثار کی سربراہی میں انچارج ٹریفک ایجوکیشن ونگ ہارون الرشید نے مختلف تعلیمی اداروں میں جا کر طلباء کو ٹریفک قوانین کی آگاہی کے سلسلہ میں لیکچر دیئے، طلباء کو ٹریفک حادثات سے بچنے کے لیے ہدایات دی گئیں۔
طلباء کو لیکچر دیتے ہوئے بتایا گیا کہ تیز رفتاری، اوور ٹیکنگ حادثات کا باعث بنتی ہے جس سے آپ کی جان جا سکتی ہے، موٹر سائیکل سواروں کو دوران سفر ہیلمٹ کا استعمال کرنے کی ہدایت، موٹر سائیکل سوار حادثات میں عمومی چوٹ سر پر لگنے کا اندیشہ ہوتا ہے جس سے موت واقع ہو جاتی ہے۔
ڈی پی او جہلم ناصر محمود باجوہ نے کہا کہ ٹریفک قوانین کی پاسداری کر کے ہم اپنے ساتھ ساتھ دوسروں کی بھی جان بچا سکتے ہیں۔