دینہ میں محنت کش لڑکے سے بدفعلی کرنے والے مجرم کو عمر قید کی سزا

دینہ
ویب ڈیسک
0

جہلم پولیس کی موثر تفتیش پر معزز عدالت کا بڑا فیصلہ، دینہ میں محنت کش لڑکے سے بدفعلی کرنے والے مجرم کو عمر قید اور 50 ہزار روپے جرمانہ، 50 ہزار روپے ہرجانہ کی سزا سنا دی گئی۔

تفصیلات کے مطابق ایڈیشنل سیشن جج جہلم شہباز حسین نے جنسی زیادتی کے مقدمہ نمبر 40/23 بجرم 376iii ت پ تھانہ دینہ کا فیصلہ سنا دیا، مجرم عمران شہزاد نے جنسی زیادتی کے جرم کا ارتکاب کیا تھا جس پر عدالت نے مجرم عمران شہزاد کو عمر قید اور 50 ہزار روپے جرمانہ اور 50 ہزار روپے ہرجانہ کی سزا سنا دی۔


مجرم نے محنت کش لڑکے کو بھوسے والے کمرے میں لے جا کر بدفعلی کا نشانہ بنایا تھا۔ جہلم پولیس نے مجرم کو ٹریس کرکے گرفتار کیا اور ٹھوس شواہد کیساتھ چالان عدالت کیا اور مقدمہ کی موثر پیروی کی جس کے پیش نظر معزز عدالت نے مجرم کو قرار واقعی سزا سنائی۔

ڈی پی او جہلم ناصر محمود باجوہ نے کہا کہ سنگین مقدمہ میں ملوث ملزمان کو سزائیں ملنا قانون اور انصاف کی فتح ہے۔ ڈی پی او جہلم ناصر محمود باجوہ نے انوسٹی گیشن اور لیگل ٹیموں کو شاباش، تعریفی سرٹیفکیٹ اور نقد انعام دینے کا اعلان کیا۔

Get real time updates directly on you device, subscribe now.

شاید آپ یہ بھی پسند کریں مصنف سے زیادہ
اپنی رائے دیں

آپ کا ای میل ایڈریس شائع نہیں کیا جائے گا.