دینہ پولیس کا مختلف علاقوں میں سرچ آپریشنز، 2 غیر ملکی گرفتار
دینہ پولیس کا مختلف علاقوں میں سرچ آپریشنز، 2 غیر ملکی گرفتار، پولیس نے مقدمہ درج کر لیا۔
تفصیلات کے مطابق دینہ پولیس نے شہر کے مختلف علاقوں میں سرچ آپریشنز کئے، سرچ آپریشنز میں گھروں، کرایہ داروں کے کرایہ داری کوائف، دکانوں، ہوٹلز، ہوسٹلز اور متعدد افراد کی چیکنگ کی۔
ایس ایچ او دینہ عمران عباس اور ٹیم نے کارروائی کرتے ہوئے بغیر پاسپورٹ غیر قانونی طور پر پاکستان میں داخل ہو کر رہائش پزیر ملزمان فرید اللہ اور حمد اللہ کو گرفتار کر لیا، پولیس نے ملزمان کے خلاف مقدمہ درج کر لیا۔
ڈی پی او جہلم ناصر محمود باجوہ نے کہا کہ سرچ آپریشن کا مقصد سماج دشمن اور جرائم پیشہ عناصر کے خلاف کارروائی کر کے پرامن معاشرے کی تشکیل ہے۔